කවදාවත් කොටට නම් අඳින්නෙ නැහැ
ඉදිරියේදී තිරගත වීමට නියමිත සිරි පැරකුම් සිනමා පටයේ "සිරිමල් එතනාට" පණ පෙවූ නවක රංගන ශිල්පිනියක් වන සෙනාලි ෆොන්සේකා අපිත් සමඟ එකතු වුණේ ලස්සන ගැන ඇයගේ අදහස් ඔබට කියන්න.
• සෙනාලි ලස්සන වුණේ ආරය නිසාද නැතිනම් පසුව හදාගත් ලස්සනක්ද?
මම ගොඩක් වතුර බොනවා. එළවළු පලතුරු කනවා සීමාව ඉක්මවා කන්නේ නැහැ. ඒ වගේම ඩයට් කරන්නෙත් නැහැ. මේ දේවල් එක්කම විශේෂයෙන් පවුලේ ආරයත් බලපෑවා. මගේ ලොකු නැන්දි මාලනී ෆොන්සේකා. ඇයත් හුඟක්ම ලස්සනයිනේ.
• අම්මගෙන් ඔබට ලැබුණු ලස්සනම දේ මොනවද?
සීමාවක් නැති ආදරය
• ආදරය විතරද?
හැමෝම කියනවා මගේ නහය අම්මගේ වගේ කියලා. මගේ කට තාත්තගේ පවුලේ අයගේ වගේ කියලා.
• සෙනාලිට සෙනාලිව ලස්සනයි කියලා දැනුණේ කොයි කාලෙද?
අපි හැමෝමට විවිධාකාර ලස්සනක් තියෙනවා. විශේෂයෙන් එහෙම ලස්සනයි කියලා දැනිලා නැහැ. මම මාවම විනිශ්චය කරන කෙනෙක් නිසා නිතරම මගේ අඩුපාඩු හදාගන්න උත්සාහ කරනවා.
• ක්ෂේත්රයට එන්න ලස්සන කොච්චර බලපෑවද?
හැකියාව, දක්ෂතාව, ලස්සන වගේම චරිතයට කොයි තරම් සුදුසුද යනාදිය මුල් වුණා. ගොඩක් ලස්සන නැතත් දක්ෂතාව මත ක්ෂේත්රයේ රැඳෙන්න පුළුවන්.
• සෙනාලිට තියෙන්නේ අකීකරු කොණ්ඩයක් නේද?
ඔව් අකීකරුයි. ඒත් කීකරු කරගන්නත් පුළුවන්.
• ඔයාගේ පෙනුමට කොණ්ඩේ ගැළපෙන්නේ නෑ කියලා හිතනවද?
එහෙම හිතන්නෙ නෑ. මට තියෙන්නේ උපතින්ම ලැබුණු ස්වාභාවික කොණ්ඩයක් ඒ ගැන මම සෑහීමකට පත්වෙනවා.
• වරමක් දුන්නොත් මොන වගේ දේවල්ද ලස්සන කරගන්නේ?
මට අලුතින් ලස්සන වෙන්න අවශ්යතාවක් නැහැ. මේ පෙනුම මට හොඳටම ඇති. ඒ නිසා ඒ වරම වෙන කාට හරි දෙනවා.
• සෙනාලි වැඩිපුරම හැඩ මොන ඇඳුමටද?
හැමෝම කියන්නේ සාරියටයි, ඔසරියටයි මම හැඩයි කියලා.
• එතකොට වැඩිපුරම අඳින්න කැමැති?
විශේෂයක් නෑ. ගොඩක් කැමැතියි සරල චාම් ඇඳුම්වලට ගොඩක් ආභරණ පලඳින්නත් මම කැමැති නැහැ.
• විදේශගතව සිටි කෙනෙක් විදියට කොහොමද විලාසිතා තෝරාගන්නේ?
විදේශගතව සිටියත් මම ලංකාවේ කෙනෙක් මම අඳින්නේ මට ගැළපෙන විදියට මම කවදාවත් කොටට අඳින්නේ නැහැ. ඒ නිසා අපහසුතාවට පත් වෙලත් නැහැ.
* ෆේෂල් කරන්න මාසයකට කීයක් වියදම් කරනවද?
මම ෆේෂල් කරන්නේ නැහැ. ඒත් රංගන කටයුතුවලට විශාල මුදලක් දීලා ෆේෂල් එකක් කරන්න වුණා.
*සෙනාලිගේ ලස්සන දැකලා ප්රේම ආරාධනා ලැබුණෙ නැද්ද?
එහෙම නැහැ. මගේ ජීවිතයේ හැමදේම කාලයට අනුව සිද්ධ වුණා. ආදරයෙන් කාලයට අනුව ලැබෙයි.
* සෙනාලි රැල්ලට විලාසිතා කරන කෙනෙක්ද?
මට අවශ්ය දෙයක් තිබුණොත් මම මිලදී ගන්නවා. ඒ හැරෙන්න රැල්ලට නම් යන්නේ නැහැ.
ලයනි රසිකා නිරෝෂිණී
Paper Article Senali Fonseka - Siri Parakum Sinhala Movie, Siri Parakum - Senali Fonseka Speaks To The Media, Senali Fonseka - Siri Parakum On Location, Senali Fonseka chat with Meevith, Sri Lankan Celebrities Gossip, Special show of Siri Parakum
